ढिस्कोमा पुरिएर कम्तिमा तीन जनाको मृत्यु, केही पुरिएको आशङ्का

पोखरा महानगरपालिका–२० मौजाको विसौनामा माटोको ढिस्कोमा पुरिएर कम्तिमा तीन जनाको मृत्यु भएको छ। आज बिहान ८ः४५ बजेको समयमा बाटो खन्ने क्रममा माटोको ढिस्कोमा पुरिएर उनीहरुकाे मृत्यु भएकाे हाे।

अन्य केही पुरिएको आशङ्का गरिएको छ। सडक निर्माणका क्रममा एक्कासि माथिबाट आएको माटोको ढिस्कोमा पुरिएका कामदारमध्ये तीन जनाको शव बाहिर निकालिएको सोही वडाका वडाध्यक्ष सिमबहादुर गुरुङले जानकारी दिए।

अझै तीन–चारजना ढिस्कोमा पुरिएको हुन सक्ने आशङ्का स्थानीयवासीले गरेका छन्। पुरिएकालाई बाहिर निकाल्ने कार्य जारी रहेको उनले जानकारी दिए।

अहिले प्रहरी घटनास्थलतर्फ जाँदै गरेको छ। घटनाको विस्तृत विवरण आउन बाँकी छ। रासस

Onlineraftar
अनलाइन रफ्तार

अनलाइन रफ्तार एक लोकप्रिय नेपाली समाचार पोर्टल हो । हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।

संबन्धित