नेपाली काँग्रेस गुल्मी–काठमाडौं सम्पर्क समितिद्वारा सुरक्षाकर्मीहरुलाई पिपिइ हस्तान्तरण

गुल्मी जिल्लामा कार्यरत सुरक्षाकर्मीहरुलाई पिपिइ हस्तान्तरण गरिएको छ । विश्वव्यापी रुपमा फैलिएको कोरोना भाइरस (कोभिड(१९) को जोखिम न्यूनीकरणका लागि फ्रन्टलाइनमा रहि काम गरिरहेका सुरक्षाकर्मीहरुलाई पिपिइ हस्तान्तरण गरिएको हो । नेपाली काँग्रेस गुल्मी–काठमाडौं सम्पर्क समिति अन्तर्गत गठित विपद् व्यवस्थापन समितिको सहयोगमा नेपाली कांग्रेस गुल्मीका सभापति भुवन प्रसाद श्रेष्ठले प्रमुख जिल्ला अधिकारी भरतकुमार शर्मालाई ३९ थान पिपिइ हस्तान्तरण गरेका हुन् ।

जिल्लाका पूर्व पार्टी सभापति त्रैलोक्य प्रताप सेन, पार्टी उप–सभापति विष्णुप्रसाद बलाल, सचिव खिलध्वज पन्थी, लगायतका जिल्लास्थित कांग्रेस नेताहरु र गुल्मी–काठमाडौं सम्पर्क समिति अन्तर्गत गठित विपद् व्यवस्थापन समितिका सदस्य सन्तोष पाण्डेको उपस्थितिमा प्रजिअ शर्मालाई पिपिइ हस्तान्तरण गरिएको थियो । पीपीई हस्तान्तरण कार्यक्रममा प्रमुख जिल्ला अधिकारी शर्माले सहयोग गरेकोमा कांग्रेस गुल्मी–काठमाडौँ सम्पर्क समिति र गुल्मी कांग्रेसलाई धन्यवाद दिए ।

Onlineraftar
अनलाइन रफ्तार

अनलाइन रफ्तार एक लोकप्रिय नेपाली समाचार पोर्टल हो । हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।

संबन्धित