बलेवा विमानस्थल धावनमार्ग कालोपत्र गर्ने तयारी

बागलुङको बलेवा विमानस्थल धावन मार्ग कालोपत्रेको अन्तिम तयारीमा छ । विमानस्थल क्षेत्रको भौतिक संरचना निर्माणको काम अन्तिम चरणमा पुगेको हुँदा ‘रनवे’ कालोपत्रे गर्ने तयारी गरिएको हो । विमानस्थलको भौतिक प्रगति ७५ प्रतिशत रहेको विमानस्थल निर्माण कम्पनीका इन्जिनियर चिरञ्जीवी खडकाले जानकारी दिनुभयो ।
विमान स्थल परिसरमा मेसिनरीवाल, सववेश, बेस, तारबार तथा नाली निर्माणको काम सकिएको हुँदा धावन मार्ग कालोपत्रेको काम मात्र बाँकी रहेको उहाँले बताउनुभयो । कालोपत्रेको लागि तापक्रम नपुगेको हुँदा तत्काललाई रोकिएको छ । चैत्र दोस्रो हप्तादेखि कालोपत्रेको काम हुने उहाँको भनाइ छ ।
आगमी जेठ महिनासम्म तयारी विमानस्थल नागरिक उड्यान प्राधिकरणलाई हस्तान्तरण गर्ने इन्जिनियर खडकाले बताउनुभयो । गत फागुन सम्पन्न हुनुपर्ने विमानस्थलको काम कोरोनाको कारण प्रभावित भएको थियो । सरकारले थप गरेको समय सिमा भित्र नै निर्माण काम सकिने निर्माण कम्पनीको भनाइ छ ।
काष्ठमण्डव एण्ड उमादेवी कम्पनी जेभीले सात करोड २४ लाख रुपियाँमा २०७७ फागुन महिनाभित्र धावन मार्ग कालोपत्रे, विमानस्थलका दायाँ बायाँ नाली तथा तारजालीको काम सम्पन्न गर्ने गरी ठेक्का सम्झौता गरेको थियो । सरकारले ६ महिना अवधि थप गरेको छ ।
विमानस्थलको ६ सय मिटर लम्बाइ तथा २३ मिटर चौडाइ धावन मार्ग कालोपत्रे हुनेछ । साढे दुई दश (२६ बर्ष ) बन्द अवस्थमा रहेको विमान स्थल बागलुङ नगरपालिकालमा जनप्रतिनिधि आएपछि जनप्रतिनिधिको पहलमा २०७४ चैत्र ९ गतेबाट पुनः संचालनमा आएको थियो ।
नेपाल एयरलाइन्स र तारा एयरलायन्सका जहाजले केही महिना उडान भरे पनि हिलो र धुलोको कारण नियमित उडान हुन सकेको थिएन । राष्ट्रिय गौरवको सडक आयोजना कालीगण्डकी करिडोरसँग जोडिएको विमान स्थल बागलुङ बजारदेखि १३ किलो मिटरको दुरीमा छ । हवाई सेवन नियमित भएमा बागलुङका साथै छिमेकी पर्वत, म्याग्दीका जनतालाई सुविधा पुग्नेछ ।

Onlineraftar
अनलाइन रफ्तार

अनलाइन रफ्तार एक लोकप्रिय नेपाली समाचार पोर्टल हो । हामी सत्य तथ्य निश्पक्ष र सन्तुलित समाचार सम्प्रेषण गर्ने तर्फ उद्दत छौँ । हाम्रा टोल,समाज, शहर वा आम जनताका चुलो चौको देखि सदन सम्म अथवा समाजका उदाहरणीय ब्यक्ति, रास्ट्रका पहरेदार हरेक बिषय हाम्रा समाचारका श्रोत हुन् । आवाज बिहिनहरुको आवाजमा साथ अनि सरकारको बेथितिमा हाम्रो निगरानी हुनेछ । हामी राजनितीको रंग भर्दैनौं तर राजनितीको चेतना अवश्य भर्ने छौं ।

संबन्धित